په پاکستان کې د سیاسي بدلون بادونه له کومې خوا راځي؟ — AF International

هسې خو په پاکستان کې په ظاهره یو اساسي قانون، پارلمان، لومړی وزیر او قضا شته، خو د نهه څلوېښت کالونو راهیسې، یعنې د جنرال ضیاالحق د دیکتاتورۍ د وخت نه، په واقعیت کې زیاتره واک اختیار د جنرالواکۍ په لاس کې پاتې شوی دی. نږدې سل کاله وړاندې، په ۱۹۲۹م کال کې حبیب‌الله کلکاني، چې د «بچه سقاو» په نوم هم مشهور دی، د امان‌الله خان د حکومت تر سقوط وروسته کابل ونیوه. امان‌الله خان له ټولو نیمګړتیاوو او تېروتنو سره سره، هڅه کوله چې افغانستان د عصري زده کړو، دولتي اصلاحاتو، د ښځو د نسبي ازادۍ، نویو قوانینو او له نړۍ سره د پراخو اړیکو پر لور یوسي. خو د کلکاني له واکمنېدو سره د دغو اصلاحاتو یوه لویه برخه ودرول شوه او افغانستان له یوه چټک اصلاحاتي بهیر څخه محافظه‌کارانه شاتګ ته داخل شو. نږدې یوه پېړۍ وروسته، په ۲۰۲۱م کال کې یو ځل بیا یو نظام سقوط وکړ او پر ځای یې د هبت‌الله اخوندزاده تر مشرۍ لاندې طالبان واکمن شول. هغوی هم داسې هېواد ترلاسه کړ چې له ټولو جګړو، فساد، کمزوریو او ستونزو سره سره، میلیونونه ماشومان یې ښوونځیو ته تلل، مېرمنو یې په پوهنتونونو، رسنیو، روغتیا، حکومت، پارلمان، قضا، سوداګرۍ او مدني فعالیتونو کې حضور درلود او نوی نسل یې له نړۍ سره په پراخه کچه وصل شوی و. خو د سل کلونو…