سالنګ کې ترافیکې پېښې پنځو کسانو ته مرګ ژوبله واړوله — Bakhtar

Summary: د پروان ولایت د سالنګ ولسوالۍ پر لویه لار د ترافیکي پېښې له امله دوه تنه مړه او درې نور ټپیان شوي دي. د یاد ولایت د امنیې قوماندانۍ ویاند فضل الرحیم مسکین یار باختر اژانس ته ویلي، چې دغه پېښه تېره شپه شاوخوا ۱۲ بجې هغه مهال رامنځته شوه، چې یو کرولا ډوله موټر له شمال څخه د کابل پر لور روان و او د «قبر کلینر» په سیمه کې له سړک څخه واوښت.نوموړي زیاته کړې، چې په دې پېښه کې د موټر چلوونکي په ګډون دوه تنه مړه او درې نور ټپیان شوي دي.د پېښې له رامنځته کېدو وروسته د عبور او مرور شرطې منسوبین سیمې ته رسېدلي او ټپیان یې د درملنې په موخه روغتون ته انتقال کړي دي.نوموړي د پېښې لامل د موټر چلوونکي بې ‌احتیاطي یاده کړې او ویلي یې دي، چې په اړه یې د مسوولینو له لوري لا هم څېړنې روانې دي.ترافیکي پېښې چې له امله یې د ګڼو هېوادوالو ژوند اخیستی په دې وروستیو کې عام خلک له حکومت څخه د حل لارې په موخه د جدي اقداماتو غوښتنه کوي.