د پنجشېر سیمهییز چارواکي وایي، د کرنیزو تولیداتو د پیاوړتیا او له بزګرانو څخه د ملاتړ په موخه د دغه ولایت په مرکز، دره او حصه اول ولسوالیو کې پنځوس سړې خونې جوړې شوې دي. دغه پروژه د ملګرو ملتونو د خوړو او کرنې سازمان په مالي ملاتړ، د یوسلو پنځه ویشت زره ډالرو په ارزښت پلې شوې ده. مسوولان وايي، دغه اقدامات د کرنیزو تولیداتو د زیاتوالي، د بزګرانو د اقتصادي وضعیت د ښه والي او د کرنیزو محصولاتو د ساتنې لپاره د مناسبو اسانتیاوو د برابرولو په موخه ترسره کېږي. پنجشېر د هېواد له هغو ولایتونو څخه دی چې د کرنې او بڼوالۍ په برخه کې وړتیا لري او د محصولاتو د ساتنې د زېربناوو جوړول او د کرنیزو توکو برابرولو په برخه کې ملاتړ د دې برخې د پراختیا لپاره مهم اقدامات بلل کېږي.
اطلاعات کوتاه
مکانپنجشېر
موضوعEconomy
منابع1
بهروزرسانی2026-08-30 09:05:21
خط زمانی
-
Parstoday
پنجشیر کې ۵۰ سړې خونې جوړې شوي