Afghanistan News Today – Breaking News, Politics, Sports & Live Updates | Ariana… — Ariananews

د امریکا بهرنیو چارو وزارت د افغانستان د کانونو په برخه کې د اسلامي امارت د پانګونې د وړاندیز په اړه ویلي؛ واشنګټن له اسلامي امارت سره د تعامل کوم پلان نه‌لري او د افغانستان د کانونو د پراختیا په برخه کې به هم له دوی سره همکاري ونه‌کړي. د امریکا بهرنیو چارو وزارت یوه ویاند له رسنیو سره په خبرو کې ټینګار کړی، چې واشنګټن له اسلامي امارت سره معامله نه‌کوي. دا څرګندونې له هغې وروسته راغلي، چې د افغانستان بهرنیو چارو وزیر امیرخان متقي له امریکا وغوښتل، چې د افغانستان د کانونو، بېخبناوو، کرنې او سوداګرۍ په برخو کې پانګونه وکړي. هغه ویلي وه، چې اسلامي امارت له دا ډول پانګونو هرکلی کوي. امیرخان متقي له «فایننشال ټایمز» سره په خبرو کې ویلي، چې د اسلامي امارت او امریکا اړیکې باید د تېرو ۲۰ کلونو د جګړې پر بنسټ ونه‌ارزول شي او دواړه لوري باید پر راتلونکو همکاریو راوڅرخیږي. د اسلامي امارت ویاند ذبیح‌الله مجاهد هم د چارشنبې پر ورځ له واشنګټن سره د ښو اړیکو پر جوړولو ټینګار کړی او ویلي یې دي، چې افغانستان له امریکا سره ډیپلوماټیکو او اقتصادي اړیکو ته اړتیا لري. د اسلامي امارت مشر د ټرافیکي پېښو په اړه فرمان صادر کړ د امریکا د استازو په جرګه کې لومړنۍ افغان‌توکمې غړې عایشې وهاب لوړه وکړه د دې فرمان له مخې؛ د…