طالب ځواکونو د شنبې په ورځ، د وږي په ۱۴مه، په کابل کې د خاتمالنبیین دیني مدرسه محاصره کړې او له مسوولانو او زدهکوونکو یې غوښتي چې له ودانۍ ووځي. سرچینې وایي، د طالبانو د عدلیې وزارت اړوند ګڼ ځواکونه له پوځي تجهیزاتو سره د دغه مرکز شاوخوا ځای پر ځای شوي او دا اقدام د عدلیې وزیر عبدالحکیم شرعي په لارښوونه شوی دی. په ټولنیزو رسنیو خپرو شویو ویډیوګانو کې هم ښکاري چې د طالبانو سپینبیرغ لرونکي پوځي وسایط د خاتمالنبیین مدرسې انګړ ته ننوتلي دي. طالبانو تر اوسه په رسمي ډول د دې اقدام په اړه څه نه دي ویلي. خاتمالنبیین علمي مرکز په ۱۳۸۶ لمریز کال کې د شیعه روحاني او پخواني جهادي مشر محمدآصف محسني په نوښت په کابل کې جوړ شوی او د دیني زدهکړو ترڅنګ علمي، څېړنیز او کلتوري فعالیتونه هم لري.
اطلاعات کوتاه
مکانKabul
موضوعSecurity
منابع1
بهروزرسانی2026-09-05 13:26:09
خط زمانی
-
Parstoday
طالبانو په کابل کې د خاتمالنبیین علمي مرکز محاصره کړی