زابل کې د ۳۳۷ میلیونه افغانیو په ارزښت د یو شمېر پروژو چارې… — Bakhtar

Summary: د زابل ولایت د عامې روغتیا ریاست مسوولین وایي، چې په دغه ولایت کې د شاوخوا ۳۳۷ میلیونه افغانیو په ارزښت بېلابېلې روغتیايي پروژې پلې او د یو شمېر نورو چارې روانې دي. د باختر اژانس د خبر له مخې؛ د زابل د عامې روغتیا رئیس ډاکټر میرویس افغان ویلي، چې د تېر او روان کال په ترڅ کې د ۲۶۸ میلیونه افغانیو په ارزښت روغتیايي پروژې پلې شوې دي.نوموړي زیاته کړې، چې د دغو پروژو په لړ کې د زابل ولایتي روغتون لپاره د ۴۹ میلیونه افغانیو په ارزښت طبي وسایل او تجهیزات پېرل شوي او روغتیايي مرکزونو ته د ۲۰ میلیونه افغانیو په ارزښت درمل هم برابر شوي دي.د نوموړي په خبره، هڅې روانې دي چې په ټولو روغتیايي مرکزونو کې اړین درمل موجود دي او ناروغانو ته پر وخت او غوره روغتیايي خدمتونه وړاندې شي.د عامې روغتیا رئیس همداراز ویلي، چې په لرې پرتو سیمو کې د نویو روغتیايي مرکزونو د جوړولو پلان هم لري.د معلوماتو له مخې، اوس مهال د زابل په مرکز او ولسوالیو کې ۷۲ روغتیايي مرکزونه فعال دي.