پنجشېر کې د پانګونې کچه زیاته شوې — Bakhtar

Summary: د پنجشېر ځايي مسوولینو خبر ورکړی، چې په دې ولایت کې د دوو سوداګرو له لوري ۳۴ میلیونه افغانۍ پانګونه شوې. د پنجشېر د والي ویاند سیف الدین لټون باختر اطلاعاتي اژانس ته ویلي چې د خالد فرهمند او امیرمحمد په نوم دوه تنو تازه د یاد ولایت په عنابې او شتل ولسواليو کې د تولید په برخه کې پانګونه کړې ده.د یاد ولایت د صنعت او سوداګرۍ رئیس مولوي امین الحق ماثوري وايي، د اسلامي امارت د تګلارې له مخې دواړو پانګوالو ته یوه یوه ځمکه چې ټولټال ۶ جریبه کېږي ووېشل شوه.تر دې وړاندې د ریاست الوزراء اقتصادي مرستیال د یوې غونډې پر مهال ویلي و، چې د اسلامي امارت له لوري د پانګوالو ملاتړ په موخه ګڼې اسانتیاوې په نظر کې نیول شوي او مسوولین هڅه کوي، چې پر وخت یې ستونزو ته رسېدنه وکړي.