افغانستان او ترکمنستان ټرانزیټي اړیکې پراخوي — Af Now

Summary: افغان او ترکمن پلاوو په هرات ولایت کې د دوه ورځنۍ ناستې په پای کې د دواړو هېوادونو ترمنځ د ټرانسپورټي او ټرانزیټي اړیکو پر پراختیا هوکړه کړې ده. یاد وزارت په یوه خبرپاڼه کې لیکلي؛ دغه دوه ورځنۍ ناسته، چې د افغانستان په کوربتوب او د ټرانسپورټ او هوايي چلند وزارت په مشرۍ جوړه شوې وه نن پای ته ورسېده.د خبرپاڼې د معلوماتو له مخې په دې ناسته کې دواړو لورو د ټرانسپورټ او ټرانزیټ اړوند موضوعاتو له هر اړخیزې ارزونې وروسته د ټرانسپورټي اړیکو پر پراختیا او په دې برخه کې د همکاریو پر زیاتوالي ټینګار کړی دی.همداراز، دواړو خواوو هوکړه کړې، چې د واټ ټرانسپورټ اړوندو موضوعاتو ته د رسېدنې په موخه به ګډ کمېسیون جوړ کړي.په دې ناسته کې د موټرچلوونکو او سوداګرو لپاره د ویزو د ورکړې په برخه کې د اړینو اسانتیاوو پر برابرولو او د دواړو هېوادونو ترمنځ د ټرانزیټي وسایطو د تګ راتګ د زیاتوالي پر اړتیا هم ټینګار شوی دی.