افغانستان کې د ملګرو ملتونو احتمالي استازې څوک ده؟ — Dw

ځینو افغان رسنیو د خپلو سرچینو په حواله، چې نومونه یې نه دي خپاره کړي، خبر ورکړی، چې د ملګرو ملتونو سرمنشي انتونیو ګوترش فاطمه رباب افغانستان کې د خپل ځانګړې استازې په توګه امنیت شورا ته ورپېژندلې ده. ملګرو ملتونو تر اوسه دا خبر په رسمي ډول نه دی خپور کړی. که چېرې د ملګرو ملتونو امنیت شورا دا وړاندیز تایید کړي؛ نو فاطمه رباب به په افغانستان کې د یوناما ریاست پر غاړه واخلي. د ملګرو ملتونو امنیت شورا د جون په میاشت کې د یوه پرېکړه‌لیک په تصویبولو سره په افغانستان کې د ملګرو ملتونو د مرستندویه پلاوي (یوناما) ماموریت د یو بل کال له پاره وغځاوه. د دې پرېکړه‌لیک له مخې، چې د شورا د ټولو غړو د رایو په یووالي تصویب شو، د یوناما ماموریت د ۲۰۲۷ کال د جون تر ۱۷مې نېټې پورې د یو بل کال له پاره تمدید شوی دی؛ خو هغه مهال د یوناما له پاره نوی مشر ونه ټاکل شو. To view this video please enable JavaScript, and consider upgrading to a web browser that supports HTML5 video د افغانستان له پاره د ملګرو ملتونو د سرمنشي د ځانګړې استازې، روزا اوتونبایوا ماموریت د ۲۰۲۵ کال په سپټمبر کې پای ته ورسېد او له هغه وخت راهیسې یوناما د سرپرست له خوا اداره کېږي. فاطمه رباب، چې د بنګله‌دېش یوه…