بدخشان کې د یفتل پایین د اعتراضونو پر مهال د ډزو راپور؛ یو کس وژل شوی

د بدخشان د پولیسو قوماندانۍ تأیید کړې چې د یفتل پایین ولسوالۍ د خلکو اعتراضونه، چې د یوې ښځې د بدني تلاشي د ادعا په غبرګون کې شوي وو، د سرپرست حکومت د ځواکونو له لوري د نښتې او ډزو لامل شوي دي. سیمه‌ییزې سرچینې وايي، په دې پېښه کې لږ تر لږه یو کس وژل شوی او څو نور ټپیان شوي دي. د بدخشان د پولیسو قوماندانۍ ویاند احسان‌الله کامګار ویلي، پېښه هغه مهال رامنځته شوه چې د سرپرست حکومت ځواکونو په یوه امنیتي پوسته کې پر یوه ښځه او یوه سړي، چې پر موټرسایکل سپاره وو، د «نشه‌یي توکو د لېږد په شک» شک وکړ. د کامګار په وینا، د وسایلو د تلاشي پر مهال سړی له سیمې وتښتېد او ادعا یې وکړه چې ښځه بدني تلاشي شوې ده. هغه وايي، د همدې ادعا له خپرېدو وروسته یو شمېر کسانو «له حقیقت څخه له ناخبرۍ» امنیتي پوسته محاصره او پرې برید وکړ. د طالبانو ویاند یو شمېر کسان د خلکو په تحریکولو تورن کړي او «مغرض او فتنه‌ګر» یې بللي، خو د پېښې د مرګ‌ژوبلې په اړه یې معلومات نه دي ورکړي. بلخوا، سیمه‌ییزې سرچینې او د بدخشان روغتون کارکوونکي وايي، د سرپرست حکومت ځواکونو د اعتراض کوونکو د تیتولو لپاره ډزې کړې دي. دا پېښه په داسې حال کې شوې چې په وروستیو اوونیو کې په بدخشان…