بغلان کې د امربالمعروف ریاست ۲۸۷ قضیې څېړلې دي — Bakhtar

Summary: د بغلان ولایت د امر بالمعروف او نهی عن المنکر د شکایتونو اورېدلو ریاست وايي، چې د روان کال له پیله تر اوسه یې د خلکو ۲۸۷ قضیې څېړلې دي، چې ۱۸ یې د ښځو پر وړاندې د تاوتریخوالي او د میراث حقونو اړوند دي. د یاد ریاست رئیس مولوي خلیل‌الرحمن راشد باختر اژانس ته ویلي، چې له حمل میاشتې راهیسې ۱۳۰ قضیو ته لازمې لارښوونې شوې، ۱۳۷ قضیې حل‌وفصل شوې او ۲۰ نورې لا تر څېړنې لاندې دي.د نوموړي په وینا، ډېری شکایتونه حقوقي، کورني، مالي او ټولنیز اړخونه لري او یو شمېر یې د ښځو د حقونو، میراث او د ځینو مسوولینو او نظامي کسانو د کړنو په اړه دي.نوموړي د خلکو شکایتونو ته رسېدنه د دغه ریاست له مهمو فعالیتونو وبلله او ویې ویل، چې د پخوا په پرتله د خپلو ستونزو د مطرح کولو لپاره د خلکو باور زیاته شوې ده.نوموړي له د دغه ولایت له اوسېدونکو یې وغوښتل، چې د شکایتونو د ثبت پر مهال لازم شواهد او اسناد هم وړاندې کړي، څو قضیو ته په لا ډېر دقت رسېدنه وشي.