بغلان کې د کابل-بلخ او کابل-کندز دروازو د جوړولو چارې پیل شوې — Bakhtar

Summary: د بغلان په پلخمري ښار کې د کابل–بلخ او کابل–کندز پر لویو لارو د دروازو د جوړولو چارې پیل شوې. د بغلان د والي ویاند فاروقي خپلواک باختر اطلاعاتي اژانس ته ویلي چې دغه پروژه د ولایتي ادارې د پرله‌پسې هڅو په پایله کې د ۷ میلیونه افغانیو په لګښت جوړیږي.د پلخمري ښاروال قاري نقیب الله محمدي په وینا، دواړه عبوري دروازې به د ۶۰ مترو په پلنوالي او ۱۲ مترو په لوړوالي سره په معیاري ډول جوړې شي.د نوموړي په وینا، یاده پروژه چې د ښاري ښکلا په برخه رول لوبوي چارې به یې په راتلونکو شپږو میاشتو کې بشپړې شي.په ورته مهال د یاد شرکت مسوولینو له نورو پانګه‌والو غوښتي، چې د هېواد د ابادۍ او بیارغونې په برخه کې فعاله ونډه واخلي.