د اخراج لیست کې شامل اکثریت افغانان مجرمین نه دي — Dw

د آلمان ایالتونو په څه باندې لسو اوونیو کې شاوخوا ۴۸۸ هغه افغانان فدرالي پولیسو ته معرفي کړي چې غواړي هغوی خپل اصلي هیواد ته اخراج کړي. دا معلومات د آلمان د فدرالي حکومت په هغه ځواب کې راغلي چې د چپ ګوند د پارلماني غړې کلارا بونګر د پوښتنې په ځواب کې وړاندې شوی دی. د آلمان فدرالي حکومت په دې ځواب کې زیاتوي چې د فدرالي پولیسو د معلوماتو له مخې، د هغو کسانو له ډلې چې د جولای له ۸مې څخه د سپټمبر تر ۱۸مې پورې یې په اړه د آلمان فدرالي پولیسو ته د مرستې رسمي غوښتنه شوې وه، د ۲۶۷ کسانو په اړه هیڅ جزايي محکومیت نه شته دی. د معلوماتو له مخې، دغه کچه د ټولو اخراج شویو کډوالو د اندازې شاوخوا ۵۵ سلنه برخه جوړوي. د جرمني د کورنیو چارو فدرالي وزارت د دغې پارلماني غړې د پوښتنې په ځواب کې ویلي چې په دغه موده کې د بریمن او مکلنبورګ فورپومرن پرته، د آلمان ټولو ایالتونو هغه افغانان فدرالي پولیسو ته معرفي کړي چې باید له جرمني وایستل شي. د معلوماتو له مخې، د ایالتونو له خوا په د اخراج مکلف کډوالو سربیره، اووه نور افغان اتباع هم شته چې اوس مهال د فدرالي پولیسو په غوښتنه د اخراج له پاره په توقیف کې دي. همداراز یو افغان وګړی د بیرته ستنولو…