د افغانستان د جلال‌اباد ښاروالۍ د لسګونو میلیونو افغانیو په ارزښت رغنیزې پروژې پیل کړې

د افغانستان د ننګرهار ولایت د جلال آباد د ښاروالۍ چارواکي وائي، د دغو پروژو پلې کېدل به د ښاري پراختیا او زرغونتوب لامل شي. دا یوولس پروژې د جلال‌اباد ښار په شپږو ناحیو کې پلې کېږي. زمونږخبریال دافغانستان له ننګرهاره راپور راکوي، د جلال‌اباد ښاروالۍ د تخنیکي او سکتوري چارو مشر انجنیر وحیدا… مخلص د دې پروژو د پیل په مراسمو کې وویل، پر دې یوولسو رغنیزو پروژو یو سل او لس میلیونه افغانۍ لګښت راځي، چې د ملګرو ملتونو د کارزېږولو ادارې له لوري ورکول کېږي. مخلص وویل، په دغو پروژو کې د فرعي سړکونو، ویالو، کوڅو، پارکونو او اوبو کانالونو جوړول شامل دي. د جلال‌اباد ښاروالۍ د تخنیکي او سکتوري چارو مشر وویل، د ملګرو ملتو یادې ادارې ښاروالۍ ته د پلي کېدو په موخه څلوېښت رغنیزې پروژې ورکړې، چې دا ئې لومړنۍ برخه ده او په هغو سیمو کې پلې کېږي چې لا د ښار په ماسټر پلان کې نه دي شاملې شوې. نور بشپړ راپور زمونږ د همکار له خولې آورو.