کابل (پژواک، ۲۵ تله ۱۴۰۵): د افغانستان د فوټسال ملي لوبډلې د برازیل په کوربهتوب د شپږ اړخیزو سیالیو لړۍ په دویمه لوبه کې پیرو ته درې پر صفر ماته ورکړه او نیمه پایلوبې ته یې لار پیدا کړه. د افغانستان فوټبال فدراسیون نن په یوه خبرپاڼه کې ویلي چې د فوټسال ملي لوبډلې په شپږ اړخیزو سیالیو په لړ کې پیرو ته درې پر صفر ماتې ورکړه او نیمه پایلوبې ته یې لار پیدا کړه. سرچینې لیکلي، په دې سیالۍ کې د افغانستان لپاره اکبر کاظمي، سید مرتضی حسیني او رضا حسنپور ګولونو ووهل. افغان لوبډلې په دغو سیالیو کې خپله لومړۍ لوبه له جاپان سره صفر پر صفر مساوي کړې وه. په دغو سیالیو کې د افغانستان په ګډون د برازیل، جاپان، اندونیزیا، پیرو او کپورده هېوادونو فوټسال لوبډلې ګډون لري. د یادونې ده، دغه سیالۍ د برازیل د پارانا ایالت په «سائو ژوزه دوس پینهایس» ښار کې روانې دي.
Quick facts
Timeline
-
Pajhwok
د افغانستان فوټسال ملي لوبډلې پیرو ته ماته ورکړه