د امریکې یو فیډرل قاضي د افغانستان د خلکو لپاره د کډوالۍ ویزو د صادرولو د ځنډولو په اړه د ټرمپ د ادارې حکم لغو کړ. د فارس خبري اژانس د راپور له مخې، د امریکا یو فیډرل قاضي د ۷۵ هېوادونو، چې افغانستان هم پکې شامل دی، د اتباعو لپاره د کډوالۍ ویزو د صادرولو د ځنډولو په اړه د ټرمپ د ادارې پالیسي لغوه کړې ده. د امریکا فیډرل قاضي ویلي چې د ټرمپ د حکومت دغه پالیسي د امریکا د بهرنیو چارو د وزیر له قانوني واک څخه اوښتې وه او د کډوالۍ له فدرالي قوانینو سره یې سمون نه درلود. ولسمشر ډونالډ ټرمپ له سپینې ماڼۍ ته بېرته له ستنېدو وروسته د کډوالۍ د محدودولو لپاره پراخ اقدامات کړي دي. د هغه د ادارې په وینا، دغه اقدامات د امریکا د کورني امنیت د ښه کولو په موخه ترسره کېږي.
لنډ معلومات
موضوعSecurity
سرچینې1
تازه شوی2026-08-22 10:00:15
مهالوېش
-
Parstoday
د امریکې قاضي د افغان کډوالو په اړه د ټرمپ حکم مات کړ