د ایران اسلامي انقلاب رهبر داسلامي هیوادونو له مشرانو غوښتي،چې خپل ګډ دښمن وپیژنې او پر وړاندې یې ودریږي.

د ایران اسلامي انقلاب لارښود سید مجتبی خامنه یې د اسلام ستر پیغمبر حضرت محمد د پیدایښت ورځې او یووالي ځانګړې اونۍ په ویاړ داسلامي هیوادونو مشرانو ته په استول شوي پیغام کې د ګډو ګواښونو پر وړاندې د اسلامي امت پر یووالي او همغږۍ ټینګار کړی دی. هغه په خپل دې پیغام کې د ملتونو او مسلمانو هېوادونو ترمنځ تفرقه د اسلامي نړۍ د کمزوري کولو لپاره د دښمنانو له مهمو وسیلو څخه بللې ده. د پوهنتون استاذ او چاروشنونکې محمد ګلاب توحیدیار، چې د حضرت پیغمبر د مبارکې زوکړې او یووالی اونۍ په ویاړ د ایران اسلامي انقلاب د سترلارښود پیغام یې لوستی وایي، ښاغلي سید مجتبی خامنه یي په خپل دې پیغام کې هغه مهمو ټکو ته اشاره کړې،چې په رښتینې توګه ورته اسلامي امت اړتیا لري. هغه وایي. په دې پیغام کې د مسلمانانو تر منځ د انقلاب د لارښود ټینګار د مسلمانانو د سپیڅلي کتاب قران څرګند حکم هم دی . توحید یار وایي، که د اسلامي امت تر منځ یووالی موجود وای نو د اسلامي انقلاب دلارښود پر وینا فلسطین به له اوسني وضیعت سره نه وای مخامخ شوی. دپوهنتون استاد محمد ګلاب توحید یار دغه راز داسلامي انقلاب د لارښود په دې پیغام کې داسلامي هیوادونو په ځانګړې توګه د فارس خلیج او لویدیځې اسیا هیوادونوله مشرانو دخپل ګډ دښمن پیژندنه خورا ارزښتناکه…