د زمري ۲۸مه؛ د افغانانو د خپلواکۍ ګټلو د ۱۰۷مې کالیزې ویاړلې ورځ + غږیز راپور

له نن څخه څه باندې یوه پېړۍ وړاندې، انګریزانو پر افغانستان یرغل وکړ او هڅه یې کوله دغه هېواد هم د خپلو نورو مستعمراتو په څېر تر خپل واک لاندې راولي او په سیمه کې خپل نفوذ پراخ کړي. خو افغانانو د هغه مهال د یوه ستر استعماري ځواک پر وړاندې مقاومت وکړ او بالاخره یې د خپلواکۍ د ترلاسه کولو لپاره جګړه وګټله. د افغانستان د خپلواکۍ ترلاسه کولو د سیمې پر نورو هېوادونو هم اغېز وکړ او د استعمار تر واک لاندې ولسونو ته یې د خپلواکۍ د مبارزې روحیه ورکړه. د پوهنتون استاد او د چارو شنونکی، محمد ګلاب توحیدیار، وایي چې د انګریزانو پر وړاندې د افغانانو بریا او په سیمه کې د بریتانوي امپراتورۍ د نفوذ کمېدل د افغانستان په تاریخ کې مهمه پېښه ده. نوموړی وایي، تاریخ ښودلې چې هر هغه ځواک چې افغانستان ته یې په بد نیت کتلي، په پای کې یې له ستونزو سره مخامخ شوی دی. « توحیدیار زیاتوي، که څه هم افغانستان د «امپراتوریو هدیرې» په نوم یادېږي، خو افغانانو تر جګړو او بریاوو وروسته د هېواد د جوړولو او اقتصادي ودې لپاره له فرصتونو څخه په کافي اندازه ګټه نه ده اخیستې. هغه وایي، له افغانستانه د امریکا او ناټو د ځواکونو له وتلو وروسته افغانانو ته یو نوی فرصت برابر شوی او باید له دغه فرصت څخه…