Summary: د لوړو زده کړو وزیر شیخ ندا محمد ندیم پنجشېر ولایت ته د خپل سفر په ترڅ کې د پنجشېر پوهنتون په علمي او فرهنګي پروګرام کې ګډون او وینا وکړه. د باختر اژانس د خبر له مخې؛ په دغه پروګرام کې د پنجشېر والي حافظ محمد آغا حکیم، سیمهییزو مسوولینو، استادانو، علمي کادرونو، محصلانو، قومي مخورو او سلګونو کسانو ګډون کړی و. د پنجشېر والي په خپله وینا کې پوهنتونونه د علم، فکر او روزنې مهم مرکزونه وبلل او د اسلامي زدهکړو ترڅنګ یې د عصري علومو، تخنیک او ټکنالوژۍ د زدهکړې پر پیاوړتیا ټینګار وکړ. ورته مهال د لوړو زده کړو وزیر محصلان علمپالنې، مسلکي زدهکړو او د هېواد د پرمختګ لپاره وهڅول او له هغوی یې وغوښتل چې د استادانو او علماوو درناوی وکړي او خپل وخت په بېګټې فعالیتونو کې ضایع نه کړي. په پای کې یو شمېر استادانو او علماوو هم د علم او زدهکړو پر ارزښت خبرې وکړې او د علمي او تحصیلي بنسټونو د ملاتړ په برخه کې یې د اړوندو ادارو هڅې مهمې وبللې.
اطلاعات کوتاه
خط زمانی
-
Bakhtar
د لوړو زده کړو وزیر پنجشېر ته سفر وکړ