د نورستان د پارون سېلابونو کې ۲۰ کسان مړه او له ۱۰۰ ډېر… — Pajhwok

پارون (پژواک، ۲۹ چنګاښ ۱۴۰۵): د پېښو پر وړاندې د مبارزې د چمتووالي ملي اداره وایي، د نورستان په مرکز پارون کې د وروستیو سېلابونو له امله د لومړنیو معلوماتو له مخې ۲۰ کسان مړه، له ۸۰ ډېر ټپیان او تر ۱۰۰ ډېر نور نادرکه دي. د یادې ادارې په خبرپاڼه کې راغلي چې دا شمېرې لومړنۍ دي او د ژغورنې ډلې لا هم په سیمه کې پر کار بوختې دي. دغې ادارې زیاته کړې، د سروې او ارزونې بهیر له بشپړېدو وروسته به کره معلومات له رسنیو سره شریک شي او ښايي په یادو شمېرو کې بدلون راشي. دغه سېلابونه نن له غرمې وروسته راوتلي او مالي زیانونه یې هم اړولي دي. شینواری