د نیپال سېلابونه: د بهرنیو چارو وزیر د مړو د ساتلو لپاره د… — Bbc

د نیپال د پیښو د خطر کمولو او مدیریت ملي اداره د وروستیو خپرو شویو شمېرو له مخې، په نیپال کې د مړو شویو کسانو شمیر ۶۷۵ ته رسېدلی دی. چارواکي وایي چې په دې ناورین کې لږ تر لږه ۲,۴۹۸ کسان ژغورل شوي او ۲۱۹ نور ټپیان شوي دي. د پیښو د خطر کمولو او مدیریت ملي اداره (NDRRMA) زیاتوي چې د پلټنې او ژغورنې په عملیاتو کې د مرستې لپاره تر ۱۸,۷۰۰ زیات ژغورونکي ګمارل شوي دي. په ورته وخت کې، د نیپال د بهرنیو چارو وزیر له بهرنیو هېوادونو مرسته غوښتې چې د سېلاب د قربانیانو د مړو د ساتلو لپاره یخچالونه ور چمتو کړي، چې کورنۍ وکولای شي خپل ورک شوي عزیزان وپېژني او ومومي. تر دې مخکې په یوه خبري کنفرانس کې شیشیر کهنال وویل چې "په لاندېنیو سیمو کې په سلګونو مړي موندل شوي دي." هغه وویل: "د دې خطره شته چې دا مړي ژر خراب شي، ځکه چې دا جسدونه د اوږدې مودې لپاره په اوبو کې پاتې شوي دي." هغه زیاته کړه چې نیپال د مړو د کنګل ساتلو لپاره "خورا محدود" ځای لري. نوموړي وویل چې دی له بهرنیو حکومتونو فعال ملاتړ غواړي چې د مړو د خوندیتوب او ساتنې لپاره لارې چارې ومومي. د نیپال د بهرنیو چارو وزیر شیشیر کهنال پر نړۍ غږ کړی چې د اقلیمي بدلون د…