د ځان بسیاینې پر لور بل ګام؛ بلخ کې د نفتو نوې چاڼخونه… — Bakhtar

Summary: په بلخ ولایت کې د ۳۰ میلیونه ډالرو په پانګونې سره د نفتو یوه چاڼخونه جوړه او فعالیت یې پیل کړی، چې په ۲۴ ساعته کې د ۶۰۰ ټنه د سوند توکو د تصفیې ظرفیت لري. د یادې چاڼخونې مسوولینو باختر اژانس ته ویلي، چې په دې تصفیه خونه کې د زمردسای، انګوت او قشقرې کانونو خام توکي پروسس کېږي چې له چاڼ وروسته په ډیزلو، پټرولو او مازوتو بدلېږي.د یادې فابریکې تخنیکي انجنیر احمد جاوید بېګزاد وايي، دغه تصفیه‌خونه د هېواد له طبیعي سرچینو څخه د اغېزمنې ګټې اخیستنې او د هېوادوالو د اړتیا پوره کولو په موخه جوړه شوې ده.د نوموړي په خبره، په دې چاڼخونه کې د خامو نفتو د تصفیې بهیر د پرمختللو وسایلو په مټ ترسره کېږي چې دا مهال له ۱۰۰ ډېر کسان پکې په کار بوخت دي.په دغه کارخونه کې لګیا کارګرو ویلي، د ورته کارخونو فعالیت به نه یوازې د هېوادوالو اقتصاد پیاوړی کړي، بلکې دا به د نورو لاسته راوړنو ترڅنګ د وارداتو ګراف را ټیټ کړي.د یادونې ده، چې په بلخ کې شاوخوا ۱۰ ورته کارخونې په کار لګیا دي چې کورني خام توکي له چاڼ وروسته بازار ته وړاندې کوي.