د ځان بسیاینې پر لور بل ګام؛ هرات کې د درملو تولیدي شرکت… — Bakhtar

Summary: په هرات کې د ډیم فارما په نوم د درملو تولیدي شرکت، چې د ۳۰ میلیونه ډالرو په پانګونې سره جوړ شوی په فعالیت پیل وکړ. د عامې روغتیا وزیر مولوي نور جلال جلالي د دغه شرکت د پرانېستې په مراسمو کې وویل، چې د درملو د تولیدي فابریکو جوړول د هېواد د ځان ‌بسیاینې پر لور مهم ګام دی.نوموړي زیاته کړې، افغانستان مسلکي ډاکټران لري خو د ناروغانو د غوره درملنې او روغتیايي خدمتونو د وړاندې کولو لپاره باکیفیته درملو ته لاسرسی هم اړین دی.هغه له پانګوالو غوښتي، چې په دې برخه کې پانګونه وکړي چې په وینا یې، د کورنیو تولیداتو زیاتوالی کولای شي هېواد د وارداتو له اړتیا وژغوري.د ډیم فارما د مسوولینو په خبره، د یاد شرکت تولیدات د نړیوالو معیارونو له مخې جوړېږي او هڅه کې دي، چې د باکیفیته درملو په تولید سره د کورني بازار اړتیاوې پوره کړي.هېره دې نه وي، چې په دغه شرکت کې دا مهال شاوخوا ۲ زره کسان په دندو بوخت دي.