کابل (پژواک، د زمري لومړۍ ۱۴۰۵): د کورنیو چارو وزارت وایي، د هېواد د څلورو مهمو اقتصادي پروژو د امنیت ټینګښت تړون د دغه وزارت د عامه ساتنې امنیتي تصدۍ معینیت او د کانونو او پټرولیم وزارت ترمنځ لاسلیک شوی دی. د کورنیو چارو وزارت د خبرپاڼې له مخې، د دغه تړون پر بنسټ به د عامه ساتنې امنیتي تصدۍ معینیت د عینک مسو کان، د بدخشان لاجوردو کان، د شبرغان–مزار د ګازو نللیکې پروژې او د آمو سیند پروژې د امنیت ټینګښت مسوولیت پر غاړه ولري. په خبرپاڼه کې راغلي چې د دغو پروژو امنیت به د عامه ساتنې د مسلکي او روزل شوو ځواکونو له خوا ټینګ شي، څو چارې یې په خوندي چاپېریال کې دوام ومومي. دغه تړون د کورنیو چارو وزارت د عامه ساتنې امنیتي تصدۍ د معین سعیدالله حماس او د کانونو او پټرولیم وزارت د پالیسۍ او پروګرامونو د معین عبدالرحمن قانت له خوا لاسلیک شوی دی.
Quick facts
Timeline
-
Pajhwok
د څلورو مهمو اقتصادي پروژو د امنیت ټینګښت تړون لاسلیک شو
Sources
Afghan sources
د څلورو مهمو اقتصادي پروژو د امنیت ټینګښت تړون لاسلیک شو