د کابل-جلال اباد سړک په ګډون د ۱۲۰ کیلو متره سړکونو د بیا… — Bakhtar

Summary: د لغمان د ټولګټو چارو ریاست مسوولین وایي، چې په دغه ولایت کې يې د ځینو عمومي سړکونو د بيارغونې او داغګیرۍ چارې پیل کړې دي. د یاد ریاست د نشراتو مسوول انجنیر سید عبدالله سادات باختر اطلاعاتي اژانس ته وویل، چې د ۲.۶ میلیونه افغانیو په لګښت د یاد ریاست د ماشینرۍ او مسلکي پرسونل لخوا د کابل-جلال اباد لویې لارې له ورښمین تنګي څخه تر ډرونټې پورې د عمومي سړک، الینګار او قرغیو ولسوالیو ته د غځېدلو عمومي سړکونو د خرابو برخو د بیا رغونې او داغګیرۍ چارې پیل شوې دي.نوموړی وایي، دغه پروژه چې ساختماني مواد یې د یوه خصوصي شرکت لخوا چمتو کېږي د درېيو میاشتو په موده کې به یې چارې بشپړې شي.هغه ویلي وايي، چې د سړکونو د تخریب په مخنیوي سربېره به ترافیکي پیښې هم راکمې شي.