د کتاب ارزونې کمېسیون نوبتي ناسته ترسره شوه — Bakhtar

Summary: د اطلاعاتو او فرهنګ وزارت د خپرونو چارو معینیت اړوند د کتاب ارزونې کمېسیون نوبتي ناسته د خپرونو چارو د معین مهاجر فراهي په مشرۍ ترسره شوه. په دې ناسته کې د یو شمېر کتابونو په اړه پرېکړې شوې او هغو کتابونه چې له اسلامي او افغاني ارزښتونو سره سم لیکل شوي وو؛ د چاپ اجازه ورکړل شوې ده.همدا رنګه ۱۹ ټوکه راجع شوي کتابونه د کمېسیون غړیو ته سپارل شوي چې په راتلونکې ناسته کې یې راپور وړاندې کړي.په ناسته کې د یو شمېر خپرندویانو ترمنځ د حقوقي ستونزو په اړه هم بحث شوی او په دې برخه کې لازمې پرېکړې شوې دي. دغه راز په کابل کې د چین سفارت اړوند د یو شمېر کتابونو هر اړخیزه ارزونه شوې او په اړه یې لازم تصمیمونه نیول شوي دي.د ناستې په پای کې، د کمېسیون اداري موضوعات هم تر بحث او ارزونې لاندې نیول شوي او په اړه یې لازمې پرېکړې شوې دي.