د ګلګت بلتستان اسکردو کې وسله‌والو د یوې کورنۍ څلور غړي وژلي — AF International

د ګلګت بلتستان په اسکردو ښار کې ناپېژاندو وسله والو د یوې کورنۍ څلور غړي په ډزو وژلي دي. ځايي پولیسو ویلي چې بریدګر د شپې مهال کور ته ننووتي وو او ډزې یې کړې دي. د سیمه‌ییزو پولیسو په وینا، پېښه د اسکردو ښار د مدینې کالونۍ شاته شوې، چې پکې وسله‌وال د شپې مهال یوه کور ته ننوتلي او یو مېړه، مېرمن او د هغوی دوه لوڼې یې په ډزو وژلي دي. د وژل شویو نجونو عمرونه یو او پنځه کاله ښودل شوي دي. د پولیسو د معلوماتو له مخې، وژل شوی سړی د تالو بروق سیمې او مېرمن یې د پاراچنار اوسېدونکې وه. د بلتستان د پولیسو مشر، اصف مهمند، ویلي چې د بریدګرو د نیولو لپاره لټون روان دی او هغوی به په هر قیمت ونیول شي. په همدې وخت کې، درمل‌پلورونکي وايي چې د پاکستان ځینې درمل لا هم په غیررسمي ډول د افغانستان بازار ته واردېږي، خو د طالبانو مامورین دغه درمل له بازاره راټولوي. خلیل (مستعار نوم)، چې په هرات کې درمل‌پلورونکی دی، افغانستان انټرنشنل ته وايي چې د طالبانو د عامې روغتیا ریاست روغتیايي کارکوونکي درملتونونو، شخصي کلینیکونو او د درملنې مرکزونو ته ورځي او پاکستاني درمل راټولوي. د هغه په وینا، په ځینو مواردو کې د ضبط شویو درملو ارزښت سلګونو زرو افغانیو ته رسېږي. هغه وايي، د دغو درملو یوه…