د کابل-جلال‌اباد لویه لار یوځل بیا د غر ښویېدنې له امله تړل شوې — AF International

د طالبانو د ټولګټو وزارت وايي، د وروستیو پرله‌پسې ورښتونو او غر ښویېدنې له امله د کابل – جلال‌اباد لویه لار یوځل بیا د ورېښمو تنګي په سیمه کې تړل شوې ده. یاد وزارت له موټرچلوونکو غوښتي چې تر بلې خبرتیا پورې پر دې لارې تګ راتګ ونه کړي. د کندهار د بېلابېلو ښوونځیو زده‌کوونکي وايي، د پګړۍ نه تړلو یا د ږېرې د لنډولو پرمهال دوی ادارې ته غوښتل کېږي، پوښتنې ترې کېږي او ځینې وخت د درېدو یا له ټولګي څخه د اېستلو په څېر د سزا له ګواښ سره مخ کېږي. د تیمور شاهي لېسې د یوولسم ټولګي یو زده‌کوونکی وايي، چې په ښوونځي کې زده‌کوونکي لاهم د درسي کتابونو له کمښت سره مخ دي؛ خو د پګړۍ او ظاهري بڼې موضوع په جدي ډول څارل کېږي. هغه وویل: «همدا اوس زموږ کتابونه کم دي؛ خو په اړه یې جدي کار نه‌کېږي، که څوک پګړۍ ونه لري ادارې ته غوښتل کېږي، پوښتنې ترې کېږي او د سزا په ډول یې دروي». د نوموړي په وینا، که د زده‌کوونکو ږیره او پګړۍ دومره په جدي توګه څارل کېږي؛ نو باید د ښوونې بنسټیزې اړتیاوې لکه کتابونه، ښوونکي او منظم تدریس هم په همدې کچه جدي ونیول شي. د ظاهر شاهي لېسې د دولسم ټولګي یو بل زده‌کوونکی وايي، د ده ږیره مکمله نه‌ده راغلې؛ خو بیاهم د ږیرې…