سازمان پیمان امنیت جمعی تجهیزات نظامی به مرز افغانستان و تاجیکستان می‌فرستد — Pajhwok

کابل (پژواک، ۶ سنبله ۱۴۰۵): سرمنشی سازمان پیمان امنیت جمعی می‌گوید، فهرست سلاح و تجهیزات مورد نیاز برای تقویت مرز افغانستان و تاجیکستان نهایی شده و قرار است نخستین محموله‌ها در پاییز امسال به تاجیکستان تحویل داده شود. رسانۀ تاجیکستانی «KÖZ News» گزارش داده‌است که طلعت‌بیک ماسادیکوف، سرمنشی سازمان پیمان امنیت جمعی (CSTO)، این موضوع را در گفت‌وگو با خبرگزاری روسی تاس بیان کرده‌است. ماسادیکوف گفته‌است که نخستین محموله‌های سلاح برای تقویت مرز تاجیکستان و افغانستان در پاییز امسال تحویل داده خواهد شد و فهرست سلاح‌ها و تجهیزات مورد نیاز نیز مورد توافق قرار گرفته‌است. به گفتۀ وی، تأمین امنیت مرز تاجیکستان و افغانستان تنها برای تاجیکستان اهمیت ندارد، بلکه برای تمام کشورهای عضو سازمان پیمان امنیت جمعی یک موضوع بسیار مهم است. او افزوده‌است: «اگر خدای ناخواسته در آنجا اتفاقی رخ دهد، این تنها مشکل تاجیکستان نخواهد بود، بلکه مشکل تمام کشورهای عضو سازمان و سایر کشورهای عضو جامعۀ کشورهای مستقل مشترک‌المنافع نیز خواهد بود.» دبیرکل سازمان پیمان امنیت جمعی همچنین گفته‌است که روسیه نقش اساسی را در تأمین سلاح و تجهیزات برای تاجیکستان بر عهده دارد. براساس این گزارش، افغانستان و تاجیکستان بیش از یک‌هزار و ۳۰۰ کیلومتر مرز مشترک دارند که بخش عمدۀ آن در امتداد دریای پنج قرار دارد و تاجیکستان با چهار ولایت شمال‌شرقی افغانستان هم‌مرز است. سازمان پیمان امنیت جمعی در سال ۲۰۲۴ یک…