سرچینې: طالبانو په تخار او بغلان کې دوه تنه تیرباران کړي دي |… — Amu TV

په بغلان ولایت کې درېیو سرچینو امو ته ویلي دي چې طالبانو پرون د دې ولایت د خوست ولسوالۍ د «فرغانبل» او د تخار ولایت د ورسج ولسوالۍ ترمنځ په غرونو کې دوه تنه له نیول کېدو وروسته په ډزو وژلي دي. دغو دوو سرچینو د معلوماتو له مخې، طالبانو د دغو دوو تنو له وژلو وروسته د هغوی پر جسدونو تیزاب شیندلي او بیا یې مړي لومړی د فرغانبل کلي په بازار او وروسته د بغلان د خوست ولسوالۍ په مرکز، دوابي بازار کې نندارې ته ایښي دي. له دې سره سره، طالبانو تر اوسه په رسمي ډول د دې پېښې په اړه څه نه دي ویلي؛ خو په بغلان کې د طالبانو د امنیې قوماندانۍ ویاند شېراحمد برهاني امو ته په یوه پیغام کې ویلي چې دا پېښه د طالبانو د دفاع وزارت ځواکونو پورې اړه لري. د دغو سرچینو په وینا، دا دوه تنه امرالله او سلام نومېدل. هغوی زیاتوي چې دا کسان ۱۷ او ۱۹ کلن ځوانان وو. د سرچینو په وینا، د دغو دوو تنو جسدونه د سیمې خلکو او د هغوی خپلوېوانو ته سپارل شوي دي. د بغلان د خوست ولسوالۍ یوه اوسېدونکي چې نه یې غوښتل نوم یې واخیستل شي، ویلي دي: «دوی له هغې سیمې تېرېدل؛ طالبانو د مقاومت په تور هغوی وژلي، پر مخونو یې تیزاب پاشلي او په چوک کې…