سمیع سادات: متحدې جبهې په ۱۰۰ ورځو کې د طالبانو ۱۵۳ غړي وژلي… — AF International

د افغانستان متحدې جبهې مشر جنرال سمیع سادات وايي، په تېرو ۱۰۰ ورځو کې د یادې جبهې ځواکونو د افغانستان په ۲۳ ولایتونو کې ۱۱۶ بریدونه کړي چې په ترڅ کې یې لږترلږه ۱۵۳ طالبان وژل شوي او ۸۹ نور ټپیان شوي دي. سادات (د لړم ۱۶مه) پر اېکس پاڼه په یوه ویډیویي پیغام کې زیاته کړې، چې په دغه بریدونو کې ۱۱ تهاجمي او پاتې نور هدفي عملیات وو؛ خو طالبانو تراوسه د دغه ادعاوو په اړه څه نه‌‌دي ویلي.سمیع سادات څرګنده کړې، چې د دغه هدفي عملیاتو ۶۰ سلنه په سوېل لوېدیځو ولایتونو او په ځانګړي ډول کندهار کې ترسره شوي دي. د هغه په وینا، دوی دغه سیمه د طالبانو سیاسي او پوځي مرکز بولي او غواړي دغه مرکز له‌منځه یوسي.نوموړي ویلي، چې متحده جبهه اوس نوي سیاسي او پوځي پړاو ته داخله شوې ده. د هغه په خبره، یادې جبهې په تېرو ۱۰۰ ورځو کې له ځوانو مبارزینو، قومي مشرانو او دیني عالمانو سره خپلې اړیکې پراخې کړې او هڅه یې کړې چې دغه اړیکې په سیاسي، پوځي او استخباراتي وړتیاوو بدلې کړي.د سادات په وینا، د دوی اصلي موخه د ملي پاڅون رامنځته کول او د طالبانو د حکومت له‌منځه وړل دي. نوموړي زیاته کړې، چې د پوځي عملیاتو ترڅنګ یې سیاسي او استخباراتي فعالیتونه هم ترسره کړي او په تېرو ۱۰۰ ورځو کې یې…