سي اېن اېن: افغانستان له جګړې وتلی، خو له بشري ناورين سره مخ… — AF International

سي اېن اېن په خپل خپور کړي راپور کې ويلي چې د طالبانو له بیا واکمنېدو پنځه کاله وروسته، افغانستان له جګړې څخه د وتلو باوجود لا هم له پراخو بشري او اقتصادي ستونزو سره مخ دی. ځايي سرچینې وايي، نښتې د شنبې له ورځې تر شپې پورې د مایمي، زېباک، نسي او شکي ولسوالیو او د بدخشان په مرکز فیض‌اباد ښار کې روانې وې. تر اوسه د دغو نښتو د مرګ‌ژوبلې د کچې په اړه کره او خپلواک معلومات نه‌دي ترلاسه شوي. په نسي ولسوالۍ کې ځايي پوځي قوماندان جمعه‌خان فاتح له تېرې سه‌شنبې راهیسې د طالبانو پر وړاندې مقاومت پیل کړی دی. د هغه نږدې کسان وايي، فاتح د نښتو په پنځمه ورځ هم د طالبانو د بریدونو پر وړاندې مقاومت کړی او د دې ولسوالۍ ځینې کلي لا هم د هغه د ځواکونو په واک کې دي. د ازادۍ جبهې هم ادعا کړې، چې د شنبې په ورځ یې د زېباک ولسوالۍ په دوو سیمو توپخانې او سنګلیچ کې له طالبانو سره نښتې کړې دي. هغه ویډیوګانې چې افغانستان انټرنشنل ته رسېدلې، په سیمه کې د دې جبهې د ځواکونو له لوري د هاوان د توغولو شېبې ښيي. له دې سربېره، د ازادۍ جبهې د شنبې په ماښام په یوې خبرپاڼه کې ویلي، چې په زېباک کې یې د طالبانو یو پوځي موټر په نښه کړی دی….