شبرغان (پژواک) – د جوزجان امنیه قومانداني وایي چې تېره ورځ د دغه ولایت په مرکز شبرغان ښار کې یو ۲۸ کلن ځوان په ډزو وژل شوی او په تړاو یې نن څلور کسان نیول شوي دي. د جوزجان د امنیې قوماندانۍ ویاند قاري عبدالستار حلیمي پژواک ته وویل چې دغه ځوان تېره ورځ (چهارشنبه، د لړم ۱۳مه) سهار شاوخوا اته بجې د شبرغان ښار په یوه نانوایۍ کې د تومانچې په ډزو وژل شوی دی. هغه زیاته کړه چې له پېښې وروسته د شبرغان ښار د پنځمې امنیتي حوزې کشفي او امنیتي ځواکونو خپلې پلټنې پیل کړې او نن سهار یې د دغې وژنې په تړاو څلور کسان پېژندلي او نیولي دي. حلیمي د دغې وژنې لامل کورنۍ شخړې بللي او زیاته کړې یې ده چې په دې اړه پلټنې روانې دي.
اطلاعات کوتاه
مکانجوزجان
موضوعSecurity
منابع1
بهروزرسانی2026-11-05 07:35:15
خط زمانی
-
Pajhwok
شبرغان کې د یوه ځوان د وژنې په شک څلور کسان نیول شوي