طالبانو د خاتم‌النبیین خصوصي پوهنتون جواز لغوه کړ — Dw

تر دې وړاندې، د خاتم‌النبیین مدرسه یا علمي حوزه هم د طالبانو له خوا تړل شوې وه. د طالبانو د لوړو زده کړو وزارت د چهارشنبې په ورځ، د سپټمبر په ۱۶مه، تایید کړه چې د خاتم‌النبیین خصوصي پوهنتون یې تړلی دی. د دې وزارت ویاند حافظ ضیاءالله هاشمي، په یوه غږیز کلیپ کي ویلي دي چي د یاد پوهنتون جواز د «لوړو زده کړو وزارت د پالیسۍ نه پلي کولو، اسلامي ارزښتونو ته د سپکاوي، د پوهنتون له اعتبار څخه د ناسمې ګټې اخیستنې، او د پوهنتون له بنسټیزو موخو سره د مخالفو فعالیتونو» له امله لغوه سوی دی. هغه د دغو مواردو په اړه نور جزئیات نه دي ورکړي او زیاته کړې یې ده چي یاد خصوصي پوهنتون، سره له دې چي څو ځله ورسره ناستي سوي وې، د طالبانو د ادارې غوښتل سوي اصلاحات نه وو عملي کړي. هغه وویل: «له همدې امله د لوړو زده کړو وزارت د رهبرۍ شورا پرېکړه وکړه چي په کابل کې د خاتم‌النبیین خصوصي پوهنتون او د غزني ولایت څانګي جوازونه لغوه کړي.» نوموړي ویلي دي چي د دغه پوهنتون محصلین به د هغو سمسترونو په پام کي نیولو سره چې بشپړ کړي یې دي، په نورو خصوصي پوهنتونونو کي د خپلو اړوندو څانګو ته انتقال سي. د طالبانو ادارې تر دې مخکي د خاتم‌النبیین علميه حوزه، چي د شیعه‌ګانو له…