طالبانو د ښځو د تحصیلي اسنادو د طی مراحلو او تایید مخه ونیوله… — Amu TV

په افغانستان کې پر افغان ښځو او نجونو د لګول شوو فشارونو په لړ کې، د طالبانو د لوړو زده‌کړو وزارت مسؤلینو ته شفاهي لارښوونه شوې چې له دې وروسته د نجونو او ښځو تحصیلي اسناد طی مراحل او تایید نه کړي. د لوړو زده‌کړو له وزارته باوري سرچینو امو ته تایید کړې چې دا لارښوونه د طالبانو د لوړو زده‌کړو سرپرست وزیر ندا محمد ندیم له لوري په شفاهي ډول شوې ده. د راپورونو له مخې، په تېرو څو ورځو کې د کابل، بلخ او هرات پوهنتونونو په ګډون د هېواد په لویو اکاډمیکو مرکزونو کې د ښځو د اسنادو د پړاوونو پر مخ وړلو مخه نیول شوې ده. تر دې مخکې نږدې پينځه مياشتې وړاندې د طالبانو د بهرنیو چارو وزارت هم د نجونو د اسنادو تاییدول منع کړي وو. د تحصیلي اسنادو د پړاوونو له درېدو سربېره، له لوړو تحصیلي ادارو څخه د ښځینه استادانو او کارکوونکو د لېرې کولو لړۍ هم دوام لري. د هرات پوهنتون مخکینۍ استادې خالده رحیمي، چې تازه له کادري بست څخه منفك شوې، وایي طالبانو د بېلابېلو پلمو له لارې ښځینه استادانې او کادرونه له اکاډمیکو ارګانونو ایستلي او هغوی یې له سختو اندېښنو او کورني فشار سره مخ کړې دي. ښوونیز او تحصیلي مبصرین او فعالان د طالبانو دا نوي او پرلپسی بندیزونه د هېواد د راتلونکي لپاره د انېښنې…