د افغانستان او عربي متحده اماراتو ترمنځ د اړیکو پر پياوړتيا خبرې وشوې — Bakhtar

Summary: په کویټ کې د افغانستان اسلامي امارت د سفارت سرپرست مولوي محمد شفیق خطیب، په دغه هېواد کې د عربي متحده اماراتو له سفیر دکتور مطر النیادي سره کتلي دي. په کویټ کې د افغانستان اسلامي امارت د سفارت په خپره شوې خبرپاڼه کې راغلي چې په دې کتنه کې مولوي خطیب، د افغانستان د روان ډاډمن امنیتي وضعیت، سراسري امنیت او په هېواد کې د اقتصادي پرمختیايي فرصتونو په اړه معلومات ورکړل. په کتنه کې همدا رنګه د افغانستان او عربي متحدو اماراتو د ګډو دوستانه اړیکو او د اماراتو له ترسره شويو لویو زېربنایي ښوونیزو، روغتیایي او علمي پروژو او مرستو ستاینه شوې ده. د کتنې په پای کې، د دواړو هېوادونو ترمنځ، د دوه اړخیزو اړیکو او همکاريو پر پیاوړتیا خبرې شوې دي.