Summary: د غور ولایت د فیروزکوه ښار اړوند په غورقند کلي کې د افغان بېسیم مخابراتي شبکې نوی سایټ فعال او ګټې اخیستنې ته وسپارل شو. د غور د مخابراتو او معلوماتي ټکنالوژۍ رئیس مولوي محمدیوسف رهنما باختر اژانس ته ویلي، چې د دغه سایټ په فعالېدو سره د مخابراتي خدمتونو ترڅنګ د ۲جي انټرنېټ خدمتونه هم وړاندې کېږي او ډېر ژر به د درېیم او څلورم نسل انټرنېټ خدمتونه هم فعال شي.د نوموړي په وینا، د دغه مخابراتي سایټ په فعالېدو سره د غورقند کلي او شاوخوا سیمو نږدې ۱۰ زره کورنیو ته د مخابراتي او انټرنټي خدمتونو د لاسرسي زمینه برابره شوې ده.نوموړي زیاته کړې، چې د مخابراتو او معلوماتي ټکنالوژۍ ریاست هڅه کوي، چې د مخابراتي شرکتونو په همکارۍ د غور اوسېدونکو ته لا ښه او باکیفیته مخابراتي او انټرنېټي خدمتونه برابر کړي.
لنډ معلومات
ځایغور
موضوعPolitics
سرچینې1
تازه شوی2026-09-19 16:02:11
مهالوېش
-
Bakhtar
غور کې د مخابراتي شبکې یو نوی سایټ فعال شو