فاریاب؛ د میمنې ښاروالۍ د روان کال په دویمه ربع کې څه باندې… — Bakhtar

Summary: د میمنې ښاروالۍ مسوولین وایي، چې دغې ادارې د ۱۴۰۵ مالي کال په دویمه ربع کې ۴۶ میلیونه ۵۷۰ زره ۴۵۷ افغانۍ عواید راټول کړي دي. د میمنې ښاروال داملا محمدامین فرقاني د معلوماتو ورکولو او حساب ورکونې په یوه غونډه کې وویل، چې یاد عواید له ثابتو او غیرثابتو عایداتي سرچینو، لکه د ښاروالۍ د جایدادونو له کرایې، د صنفي جوازونو له وېش، د دولتي او استوګنیزو ودانیو د صفایۍ له محصول او نورو ښاري خدمتونو څخه ترلاسه شوي دي.د نوموړي په وینا، له راټولو کړل شویو عوایدو څخه څه باندې ۱۳ میلیونه ۸۸۲ زره افغانۍ په پراختیايي پروژو، د کارکوونکو په معاشونو او ښاري خدمتونو لګول شوې دي.نوموړي زیاته کړه، چې د عوایدو د لګښت بهیر له ښاریانو سره په شفاف ډول شریک شوی او د هغوی نظرونه او وړاندیزونه هم د لګښتونو د لومړیتوبونو په ټاکلو کې په پام کې نیول شوي دي.ورته مهال یو شمېر اوسېدونکو او زده ‌کوونکو د ښاروالۍ له خدمتونو خوښي څرګنده کړې؛ خو د ښاري او چاپېریالي ستونزو د هواري لپاره یې د مسوولینو د لا زیاتې پاملرنې غوښتنه کړې ده.