احمد مسعود: د افغانستان د راتلونکي نظام د ټاکلو حق باید له خلکو… — AF International

د طالبانو د مخالفې ډلې، مقاومت جبهې مشر احمد مسعود وايي، د طالبانو مشر هبت‌الله اخوندزاده واک ته د زور او غلبې له لارې رسېدل پر خلکو د حاکمیت مشروع لاره ګڼي، خو د نوموړي دا لیدلوری له اوسنۍ نړۍ او د افغانستان د خلکو له غوښتنو سره سمون نه لري. ضیا د «شهید اونۍ» په مناسبت جوړو شویو مراسمو کې چې د یکشنبې په ورځ، د وږي په ۲۲مه، د یو شمېر سیاسي څېرو په ګډون انلاین ترسره شول، وویل چې په تېرو پنځو کلونو کې د خبرو او سیاسي هڅو له لارې د طالبانو د ننګولو هڅو پایله نه ده ورکړې، خو د طالبانو پر ضد د وسله‌والو جبهاتو فعالیتونو دغه ډله له فشار سره مخ کړې ده. هغه وویل، چې طالبانو تر دې وړاندې د خپلو مخالفو جبهاتو موجودیت نه مانه، خو اوس په پرله‌پسې توګه وايي چې جګړه د ستونزو حل نه دی. د ازادۍ جبهې مشر ویلي، چې طالبانو د خپلو کړنو له امله مخالفې جبهې دې ته اړې کړې دي چې وسله واخلي. نوموړي ادعا وکړه، چې د ده جبهه د واک د ترلاسه کولو لپاره نه جنګېږي، بلکې هدف یې له طالبانو څخه ولس ته د واک لېږد دی. ضیا وویل، چې د طالبانو خلاف جګړه به تر هغه روانه وي، چې د افغانانو غوښتنو او هیلو ته درناوی وشي. هغه له مخالفو…