قطر کې د افغانستان سفارت له لوري له مېشتو افغانانو سره کلتوري غونډه… — Bakhtar

Summary: د قطر په پلازمېنه دوحه کې د افغانستان اسلامي امارت د سفارت په انګړ کې د ياد سفارت د کلتوري اتشې له لوري کلتوري غونډه ترسره شوه. یاد سفارت په خپله اکس پاڼه لیکلي، چې په دې غونډه کې په قطر کې مېشتو افغان علماوو، قومي مشرانو، محصلینو او ځوانانو ګډون کړی و. د سرچینې د معلوماتو له مخې غونډې ته افغان سفیر محمد سهیل شاهین په افغانستان کې د ثبات، امنیت، اقتصادي ودې، بیارغونې، سیمه‌ییز اتصال، سوداګرۍ، پانګونې او له نړۍ سره د متقابل احترام پر بنسټ د اړیکو د پراختیا سربېره، د هېواد اصلي کلتور، تاریخ او تاریخي آبداتو پر ارزښت او ساتنې خبرې وکړې. ورته مهال ګډونوالو هم د هېواد د کلتوري ارزښتونو پر پیاوړتیا او د نوي نسل له ديني او فرهنګي مخینې سره د روزنې پر اړتیا ټینګار وکړ.