محسن داوړ: افغانستان کې د طالبانو نامشروع واکمني د پاکستان لپاره یو «ایډیال… — AF International

د ملي جمهوري غورځنګ مشر محسن داوړ وایي، د افغانستان اوسنی وضعیت او د طالبانو نامشروع واکمني، د پاکستان لپاره یو ایډیال حالت دی. د داوړ په خبره، پاکستان له دې تشې څخه په ګټې اخیستنې سره بې‌ګناه ملکي وګړي، روغتونونه، پوهنتونونه او عام ولس په نښه کوي. د افغانستان لپاره د پاکستان پخواني ځانګړي استازی اصف دراني له افغانستان انټرنشنل سره په یوه مرکه کې ویلي، چې د طالبانو او پاکستان ترمنځ د ستونزو د حل لپاره باید بندیزونه لرې شي او د خلکو تګ راتګ ته لاره هواره شي. د نوموړي په وینا، د ترهګرۍ موضوع د دواړو خواوو لپاره مهمه ده. هغه زیاته کړې، چې که طالبان له پاکستان سره اړیکې ترینګلې کړي یا ورسره دښمني وکړي، نو «خپله پښه به په تبر ووهي» او په دې کار سره به ګټه ونه کړي او په افغانستان کې روانه ناامني ښايي نوره هم زیاته شي. د نوموړي په وینا، پاکستان نه یوازې له طالبانو سره بلکې دده په وینا، په تاریخي توګه د افغانستان له خلکو سره مرستې کړې، خو که طالبان د پاکستان پر وړاندې دا ډول ګامونو [ د ټي ټي پي ملاتړ] ته دوام ورکړي، زیان به یې خپله طالبانو او په ځانګړي ډول عامو افغانانو ته ورسېږي. هغه ویلي، چې پاکستان «د افغانانو لپاره د روزګار یو مهم ځای» دی او د دواړو هېوادونو…