میدان وردګو کې د ۳.۵ میلیونه افغانیو په ارزښت د اوبو لګولو پروژې… — Bakhtar

Summary: د میدان وردګو ولایت د سیداباد ولسوالۍ په دواب کلي کې د ۳.۵ میلیونه افغانیو په ارزښت د یوه سربند او دوو سوپرپسیجونو د رغولو چارې پیل شوې. د باختر اژانس د خبر له مخې؛ دغه پروژې د کلیو بیارغونې او پراختیا ریاست له لوري له امارتي بودیجې تمویلېږي. د یاد ریاست مسوولین وایي، چې د پروژې سربند ۱۸.۶ متره اوږدوالی او ۱.۸۵ متره لوړوالی لري او د رغولو پر مهال به لسګونو کسانو ته د کار زمینه برابره شي. د مسوولینو په خبره، د دغو پروژو له بشپړېدو سره به شاوخوا ۴۰۰ جریبه کرنیزه ځمکه خړوبه او د موسمي بارانونو او سېلابونو له احتمالي زیانونو څخه به خوندي شي.