میلیونونه افغان لا هم د څښاک پاکو اوبو ته لاسرسی نه لري

زمونږ خبریال راپور راکړی د کډوالو په چارو کې د ملګرو ملتونو عالي کمېشنري (UNHCR) وايي، په افغانستان کې لا هم میلیونونه کسان د څښاک پاکو اوبو ته لاسرسی نه لري. دغه بنسټ نن په یوه پیغام کې ویلي ځيرکه ښاري پلان جوړونه، د اوبو او کثافاتو مدیریت کولای شي د اوبو د سرچینو په ساتنه، د روغتیايي وضعیت په ښه کولو او د لا سالمو ټولنو په رامنځته کولو کې مرسته وکړي. دا څرګندونې داسې مهال کېږي چې افغانستان د څښاک پاکو اوبو ته د خلکو د لاسرسي او د اوبو د سرچینو د مدیریت په برخه کې له جدي ستونزو سره مخ دی. د اوبو کمښت، وچکالي او د اوبو رسولو د بنسټیزو تاسیساتو کمزورتيا هغه عوامل دي چې پاکو اوبو ته يې د خلکو لاسرسی ستونزمن کړی دی