نورستان کې بیا ځلې سیلاب درې تنه وژلې او یو بل ټپي کړی دی

د نورستان د والی ویاند فریدون،صمیم وایي،تیره ورځ ناوخته ددې ولایت د وانت وایګل ولسوالۍ په اړوند سیمه کې تر باران وروسته ناببره سیلابونه راووتل،چې له امله یې درې تنو،چې یوه میرمن اویوه ماشومه هم پکې وو ژوند وبایلود او یوه بله ماشومه ټپي شوه. په افغانستان کې زمونږ د خبریال له راپور سره سم، صمیم وایي، د سیلاب له امله داستوګنې یو کور په بشپړه توګه ویجاړ شویدی. د نورستان د والي ویاند وویل ،د دې ولایت په مرکز پارون کې د اسماني تندر د پریوتو له امله د یو ځایي مالدار تر دیرشو زیات څاروي وژل شوی دي. هغه وویل، ولایتي اداره به د سیلاب ځپلو کورنیو ملاتړ وکړي. په نورستان کې د تیرې ورځې سیلابونه وروسته له هغې راوځي،چې د طالبانو حکومت د ملکي هواي او زمکني ترانسپورت وزارت د هواپیژندنې ادارې د نورستان په ګډون د یو شمیر ختیځو او سهیل ختیځو ولایتونو هوا باراني ښودلې او اوسیدونکو ته یې خبر داری ورکول شوی،چې د احتمالي سیلابونو دراوتلواوخطراتو مخنیوي لپاره چمتووالی ولري.