نورستان کې د سېلابونو له امله د شهیدانو شمېر ۲۳ کسانو ته لوړ… — Bakhtar

Summary: د نورستان ځايي مسوولینو خبر ورکړی، چې د وروستیو سېلابونو د را وتو له امله ګن شمېر کسانو ته ځاني او مالي زیانونه اوښتي دي. د نورستان والي قاري زین‌العابدین عابد باختر اطلاعاتي اژانس ته وویل، چې د وروستیو سېلابونو له امله د ژغورنې او پلټنې عملیات په چټکۍ سره روان دي او تر دې دمه د ۲۳ کسانو جسدونه موندل شوي دي.نوموړي وویل، چې د پاتې لادرکه کسانو د موندلو لپاره د ژغورنې او پلټنې عملیات لا هم دوام لري او اړوندې ادارې په بشپړ ډول پر خپلو دندو بوختې دي.د نورستان والي له ټولو کورنیو او نړیوالو مرستندویو بنسټونو وغوښتل، چې د سېلاب ځپلو کورنیو لاسنیوی وکړي او له هغوی سره بېړنۍ بشري مرستې وکړي.