هرات کې د نیالګیو لپاره د اوبخور سیسټم د جوړېدو چارې پيل شوې — Bakhtar

Summary: د هرات ولایت په ګذرې ولسوالۍ کې د امام بخاري په نوم د لویې لارې دواړو غاړو د نیالګیو خړوبولو لپاره د اوبو قطره یي او لمریزې برېښنا سیسټم د جوړولو چارې د ۱۵ میلیونه ۱۴۵ زره افغانیو په لګښت پیل شوې. د یادې ولسوالۍ ښاروال مفتي جمال ‌الدین مسرور باختر اژانس ته ویلي، چې دغه پروژه د نیالګیو خړوبولو‌، د شنو ساحو د ساتنې او د اوبو له سرچینو څخه د اغېزمنې ګټې اخیستنې په موخه پلې کېږي.د نوموړي په وینا، دغه پروژه د حلقوي سړک له سیمې څخه تر میرداوود دروازې پورې د ۹ زره ۳۵۰ مترو په اوږدوالی پلې کېږي.د مسوولینو په وینا، د دغې پروژې لګښت د ګذرې ولسوالۍ د ښاروالۍ له پراختیايي بودجې ورکول کېږي او د یو کال په موده کې به یې چارې بشپړې او ګټې اخیستنې ته وسپارل شي.