ټرمپ، شي جین‌پینګ او پوتین به د روانې اونۍ د پنجشنبې په ورځ… — Pajhwok

کابل (پژواک) – سپینې ماڼۍ تایید کړې چې د امریکا، چین او روسیې ولسمشران ډونالډ ټرمپ، شي جین‌پینګ او ولادیمیر پوتین به د روانې اونۍ په ترڅ کې د چین په شینژن ښار کې د اسیا او ارام سمندر د اقتصادي همکاریو (APEC) غونډې په څنډه کې درې‌اړخیزه لیدنه ولري. اسوشیټېډ پرېس خبري اژانس نن (شنبه) د سپینې ماڼۍ په حواله راپور ورکړی چې دغه لیدنه به د پنجشنبې په ورځ (د نومبر ۱۹مه، د روان لمریز کال د لړم له ۲۸مې سره برابره) ترسره شي او ټاکل شوې چې د درېیو هېوادونو مشران د ایران پر وړاندې د امریکا د جګړې او د اټومي وسلو د زېرمو په اړه خبرې وکړي. د راپور له مخې، یوه لوړپوړي امریکايي چارواکي ویلي چې ټرمپ غواړي د ایران د جګړې موضوع د چین او روسیې له مشرانو سره مطرح کړي، خو په دې لیدنه کې به د اوکراین د جګړې په اړه له بحث کولو ډډه وکړي. د اسیا او ارام سمندر د اقتصادي همکاریو غونډه د نړۍ د ۲۱ اقتصادونو په ګډون د چین په شینژن ښار کې جوړېږي او د امریکا، چین او روسیې د مشرانو درې‌اړخیزه لیدنه به هم د دغې غونډې په څنډه کې ترسره شي. د اسیا او ارام سمندر د اقتصادي همکاریو سازمان (APEC) په ۱۹۸۹ میلادي کال کې جوړ شوی او ۲۱ غړي لري. د…