پروان کې ۳۰۸ کورنیو ته د څښاک پاکې اوبه برابرې شوې — Bakhtar

Summary: د پروان ولایت د سیاګرد ولسوالۍ د مکرخېلو په کلي کې د څښاک پاکو اوبو رسولو شبکه جوړه او ګټې اخیستنې ته وسپارل شوه. د پروان ولایت د کلیو ، بیارغونې او پراختیا ریاست مطبوعاتي مسوول باختر اطلاعاتي اژانس ته وویل، چې دغه شبکه د ۵.۳ میلیونه افغانیو په لګښت د اغاخان مؤسسې په مالي ملاتړ جوړه او ګټې اخیستنې ته سپارل شوې ده.د نوموړي په وینا، په دې شبکه کې د اوبو اووه کیلومتره پایپ ‌لاین، د ۶۰ متره مکعب په ظرفیت د اوبو زېرمه، د ۶.۵ متره ژورې څاه، د ۵۸۰ واټه په ظرفیت ۲۶ لمریزې تختې او ۲۵۴ نلونه شامل دي.د دغې شبکې په بشپړېدو سره د قمچاق کلینیک او د مکرخېلو کلي ۳۸۰ کورنۍ د څښاک پاکو اوبو له اسانتیا برخمنې شوې دي.