پنځه کاله وروسته: آلمان له افغانانو سره تر کومه بریده خپلې ژ — Dw

که څه هم د آلمان حکومت د کابل د سقوط پر مهال د ګډوډۍ په ورځو کي ژمنه کړې وه چي د هغو ټولو خلکو ملاتړ به وکړي چې دوی یې پر وړاندي مسئولیت لري، خو د هغوی ډېر کسان وايي چي دغه ژمنې تر اوسه عملي سوي نه دي. د ۲۰۲۱م کال د اګست پر ۲۶مه یوازي یوولس ورځي وروسته له هغه چي طالبان کابل ته ننوتل، د آلمان د هغه وخت د بهرنیو چارو وزیر هایکو ماس وویل: «زموږ کار به تر هغه وخته دوام وکړي چي ټول هغه کسان چي په افغانستان کي یې پر وړاندي مسئوليت لرو، په امنيت کي وي.» د طالبانو له بیا راتګ راهیسي د روان کال تر جون میاشتي پوري تر ۳۷زره ډېر افغانان آلمان ته راغلي دي. په دغو کسانو کي د آلمان د پوځ پخواني محلي کارکوونکي، د آلمان مرستندویه پروژو پرسونل او د هغوی د کورنۍ غړي او همدارنګه هغه کسان شامل دي چي د بشري حقونو، رسنیو یا مدني ټولني د فعالیتونو له امله له ګواښ سره مخ ول. د احمد صمیم له پاره چي د آلمان له پوځ سره یې د انجینر په توګه کار کاوه، آلمان خپله ژمنه پوره کړې ده. هغه اوس د آلمان په یوه لوی ښار کي په یوه هوټل کي کار کوي او «دویچه ویله» ته په آلماني ژبه وايي: «زه له…