په غزني کې مېرمنې: د لاسي صنایعو د پلورلو لپاره ځای نه لرو… — Amu TV

په غزني ولایت کې یو شمېر خياطې او د لاسي صنایعو تولیدوونکې مېرمنې غوښتنه کوي چې د خپلو تولیداتو او محصولاتو د پلورلو لپاره دې ځانګړی او مناسب ځای ورته وټاکل شي. دا مېرمنې چې د غزني ښار په یوه سیمه‌ییز نندارتون کې راټولې شوې وې، وایي د خپلو لاسي صنایعو د عرضه کولو لپاره مناسب بازار او مستقل ځای نه لري. د دوی له ډلې یو شمیر بې‌سرپرسته مېرمنې چې د خپلو کورنیو یوازینۍ سرپرستې دي، ټینګار کوي چې تر دې دمه یې د هیڅ لوري لخوا ملاتړ نه دی شوې. پناهي، چې د مېړه له مړینې وروسته د خپلو شپږو ماشومانو د اعاشې لګښت د لاسي صنایعو له لارې تامینوي، وایي: «موږ د نارینه جاموغاړې، ښځینه جامې او ډیزایني سيټونه جوړوو، خو د پلورلو لپاره هیڅ ځای نه لرو. له حکومت غواړو هغه ځای چې مخکې زموږ لپاره په نظر کې نیول شوی و، بېرته موږ ته وسپاري.» په ورته وخت کې د لاسي صنایعو یو شمېر نورې تولیدوونکې زیاتوي، که چېرې ورته ازاد او مناسب بازار جوړ شي او سوداګر په مستقيمه توګه له دوى توکي واخلي، عاید به یې ډېر شي. پروانه حیدري وایي: «موږ داسې څوک نه لرو چې ملاتړ مو وکړي. د بازار نشتوالی راته سخته ستونزه ده؛ حتا که کوم شی چمتو هم کړو، هټۍ وال یې له موږ څخه په خورا ټیټه…